„Sagan hennar er náttúrlega bara mikil sorgarsaga“ Upplifun einstaklinga við tilkomu málstol

Í þessu verkefni verður leitast svara hvernig einstaklingar með málstol upplifa sig í íslensku samfélagi. Markmið rannsóknarinnar er að reyna öðlast skilning á því hvernig ástand málstols getur haft áhrif á líf og lífsgæði einstaklinga í kjölfar áfalls. Til þess að varpa ljósi á þær hindranir og upplifanir sem hópurinn kann að upplifa við tilkomu ástandsins verður rýnt í fyrri rannsóknir og skýrslur sem byggja á frásögnum og upplifunum einstaklinga með málstol. Í von um enn dýpri skilning inn í veruleika þessa hóps í íslensku samfélagi voru tekin tvo eigindleg viðtöl, eitt við einstakling sem hefur algilt málstol í kjölfar heilaskaða og annað við aðstandanda einstaklings sem hefur áunnið málstol vegna áfalls. Viðtölin gáfu mikilvæga innsýn inn í þær hindranir og áskoranir sem áfallinu getur fylgt en áhersla viðtalanna var að kanna hvernig málstolið hefur haft áhrif á félagslegan veruleika og lífsgæði einstaklinganna í kjölfar áfalls. Þrátt fyrir fá viðtöl mátti sjá töluvert samræmi á milli frásagna viðmælenda við niðurstöður fyrri rannsókna á málefninu. Helstu niðurstöður voru þær að við tilkomu ástandsins breytist margt í lífi einstaklinga. Einstaklingar kunna að upplifa ýmsar hindranir s.s. fordóma, félagslega einangrun og þunglyndi sem getur orðið til þess að einstaklingar missa sjálfstrú, upplifa sjálfsfordóma og sjálfsmyndin kann að taka breytingum við sjúkdómsgreininguna. Þessar hindranir og fordóma má rekja til þess að lítil þekking er á ástandinu í samfélögum. Með aukinni vitundarvakningu samfélaga á ástandinu má sporna við þessum hindrunum og stuðla að því að hópurinn lifi við jöfn lífsgæði annarra í samfélaginu